Her kjem ei oppsummering av desse sakene, der me forklarar litt korleis me jobbar vidare med dei.
Gamle REDX på dunkane/går tom for REDX - mange fortel dei då må nytta konvensjonell sæd i staden
Her jobbar Geno med pilotforsøk på distribusjon, for å oppnå eit auka samsvar mellom avlsplanen og det som finst i dunkane. I tillegg er det eit fokus på kommunikasjon mellom avlsrådgivarar i området og sjåfør på sædruta, slik at ein får RedX som går igjen på avlsplanen ut i dunkane.
Bekymring for auka grad av eigarinseminering
Dette tek me på alvor, og er også tilbakemelding frå fleire seminteknikarar. I nokre område er dette eit «ikkje-tema», andre område opplever ein sterk smitteeffekt mellom produsentane. Ein har også nokre få område der veterinærane ikkje ynskjer å kjøra inseminering lengre. Geno promoterer ikkje eigarinsemineringskurs.
Både på nettsider og i kontakt med produsentar understreker me betydninga av leigd inseminering for å oppretthalda dagpraksis og vaktordning. Det jobbast også med å finna løysingar som kan bidra til å oppretthalda tilslutninga til leigd inseminering.
Mogelegheit for å få opp REDX-alternativ og SV-alternativ i DHP (når bonden sjølv ikkje har kryssa av i forkant)
Det vil bli jobba med å få samsvar mellom avsplanen i DHP og innhald i dunkane, slik at dette forhåpentlegvis vert mogeleg. Eit viktig grunnlag for å få dette til er at ein har rett lagerbeholdning i dunkane, noko me enno er eit stykke unna å komma i mål med. Enn så lenge må ein oppfordra produsenten til å kryssa for RedX eller SV i eigen avlsplan i forkant av besøket.
Refusjon for bompengar/båt direkte i DHP under refusjonsgrensa til Statsforvaltar
Her skal det koma ein funksjon i DHP som gjer dette mogeleg i framtida. Men dette visar seg å ta tid. Enn så lenge skal slike skjema kunne hentast på sædruta.
I neste nyhetsbrev vil me oppsummera fleire av innspela som kom fram i veterinærmøtene (del 2).
